Home | Sitemap | Links | Kontakt

La historia da Camuns ei identica cun quella dall’entira vallada. Il vitg fageva part dalla pleiv Sogn Vintschegn/Vella ed ei ditg staus en possess dils signurs da Belmont che havevan lur residenza a Flem. 1371, suenter la mort dil davos signur da Belmont, han ils conts da Sax-Mesauc priu en possess il territori.
All’entschatta dil 16avel tschentaner renunzia Camuns alla pleiv Sogn Vintschegn. Pér egl onn 1691 denton reussescha ei als da Camuns da constituir in’atgna pleiv. Ina grond’ influenza sin la historia confessiunala ha la missiun da caputschins retica „de propaganda fide“ giu. El num dalla cunterreformaziun ein ils missiunaris stai activs egl entir Grischun. Lur pensum fuva ei da batter encunter ideas reformatoricas che havevan gia contonschiu numerusas regiuns alpinas. Ch’ils missiunaris ein da gliez temps gest vegni a Camuns sco era a Cumbel ei buca stau casualitad: Ils vitgs vischinonts Luven e Duvin eran gia vegni reformai. Ils caputschins ein stai a Camuns entochen 1921, pér 1934 han spirituals seculars saviu s’occupar dalla baslgia parochiala dedicada a Sogn Antoni avat e Sogn Gion evangelist. La baselgia ei dil reminent datada digl onn 1597. Da quella construciun ein denton mo il chor aunc semantenius. 1696 ei ina nova baselgia vegnida baghegiada.

La vischnaunca politica da Camuns secumponeva avon la fusiun cun Tersnaus, Uors-Peiden e Surcasti ord las fracziuns Masauns, Sutscheins, Camuns e Runs. La fracziun da Runs, en vegls documents era „Rungs“, s’udeva ensemen cun Crestas e Caglia entochen 1903 ad Uors.
Dalla Pala da Tgiern vegn mintg’onn la primavera ina lavina giu encunter il vitg da Camuns. In eveniment tragic ha giu liug igl emprem da mars 1730. La lavina ha satrau ina mumma cun siu affon, ina casa ed in clavau. Tenor la detga hagien ils indigens erigiu ina caplutta cun la crappa dalla casa destruida.

Die Geschichte von Camuns ist zu weiten Teilen die Geschichte des gesamten Tals. Das Dorf gehörte einst zur Kirchengemeinde St. Vinzens/Vella und war im Besitz der Herren von Belmont, die ihren Sitz in Flims hatten. 1371, nach dem Tod des letzten Herrn von Belmont, übernahmen die Grafen von Sax-Misox den Besitz des Gebietes.
Zu Beginn des 16. Jahrhunderts trennte sich Camuns von der Kirchengemeinde St. Vinzens. Erst 1691 konnten die Camunser eine eigene Kirchengemeinde errichten. Grossen Einfluss auf die Konfessionsgeschichte des Dorfes hat die Kapuzinermission „de propaganda fide“ gehabt. Im Namen der Gegenreformation waren die Missionare in ganz Graubünden tätig. Sie hatten sich zur Aufgabe genommen, gegen reformatorisches Ideengut anzukämpfen, welches bereits die alpinen Regionen erreicht hatte. Dass die Missionare gerade nach Camuns sowie auch nach Cumbel gekommen sind, liegt auf der Hand: Die Nachbarsgemeinden Luven und Duvin waren bereits reformiert worden. Die Kapuziner blieben bis 1921 in Camuns, erst im Jahr 1934 konnten andere Geistliche die Pfarrkirche übernehmen. Die Kirche ist St. Anton und St. Johannes Evangelist geweiht. Sie datiert aus dem Jahre 1597. Von diesem Bau ist jedoch nur der Chor erhalten. 1696 wurde eine neue Kirche errichtet.

Vor der Fusion mit Tersnaus, Uors-Peiden und Surcasti bestand die politische Gemeinde Camuns aus den Weilern Masauns, Sutscheins, Camuns und Runs. Runs, das in älteren Dokumenten auch „Rungs“ genannt wird, gehörte bis 1903 zusammen mit Crestas und Caglia zu Uors.
Vom Berg „Pala da Tgiern“ geht jedes Jahr im Frühling eine Lawine in Richtung Camuns ab. Damit verbunden ist ein tragisches Ereignis, das sich am 1. März 1730 ereignete. Die Lawine begrub eine Mutter mit ihrem Kind, ein Haus und einen Stall. Die Sage berichtet, dass die Camunser eine Kapelle mit den Steinen des zerstörtet Hauses gebaut haben sollen.