Home | Sitemap | Links | Kontakt

Historia
Il chor mischedau Suraua ei vegnius fundaus igl onn 1974 dalla giuventetgna da Suraua. Gia dapi 6 onns cantavan ins ensemen a caschun da diversas occasiuns. Ruedi Collenberg ei staus in dils iniziants dil chor ed ei vegnius eligius sco emprem dirigent. Igl emprem concert ha il chor astgau dar igl onn 1978 a caschun dil giubileum da 40 onns chor viril Lumnezia. Dapi lu han ils cantadurs e las cantaduras concertau regularmein, savens ensemen cun auters chors ni auters acts musicals.

In concert tut aparti ha giu liug a Cuschnaus igl onn 1987: Ensemen cun il cabaret Rotstift ha il chor concertau en favur dallas scolettas lumnezianas. In onn pli tard ei il chor mischedau vegnius envidaus a Turitg el studio da televisiun per cantar duront l’emissiun «Fyrabig», quei sut il motto «Schweizer helfen Schweizer». Sco in dils puncts culminonts en la historia dall’uniun vala segiramein il premi da cultura dalla CRR ch’ei vegnius surdaus al chor igl onn 2002.

Il chor mischedau Suraua 1983 a caschun dalla fiasta da cant a Domat.

Il chor mischedau Suraua ha gia priu part a numerusas fiastas da cant districtualas e cantunalas, adina cun grond success. Gion Giusep Derungs, il cumponist-casa dil chor mischedau, ha stediamein mess a disposiziun cumposiziuns per talas occasiuns. Igl onn 2000 han cantaduras e cantadurs per l’emprema ga priu part ad ina fiasta da cant federala. A St-Maurice/Monthey han els presentau treis canzuns romontschas e recaltgau persuenter bein enqualas arbagias.

Il chor mischedau Suraua a Monthey.

L’emprema platta dil chor mischedau Suraua ei vegnida registrada 1986. Gia avon ha l’uniun saviu rimnar experientschas sin quei sectur. 1980 han Gion Antoni Derungs e Sur Gieri Cadruvi clamau en agid divers chors romontschs per realisar la platta fonografica «Alleluia», denter auter era il chor mischedau Suraua. Il niev disc cumpact ei vegnius registraus igl onn 2000 e porta il tetel “tgi sa?”
Il disc cumpact dil chor mischedau Suraua san ins empustar tier:
Claudia Christoffel, Via Nova 50, 7017 Flims-Dorf. Tel. 079 623 40 83

Fotografia per il disc cumpact “tgi sa?”
igl onn 2000 ad Uors.

Exercezis ed occurenzas
Il chor mischedau Suraua exercitescha mintgamai la gievia sera dallas 19.45-22.00 en casa da scola ad Uors. Exercezis supplementars vegnan fatgs la dumengia avon miezdi. Il chor mischedau concertescha pil solit mintg’onn. Vitier conta el dalla sera familiara a Suraua e tenor damonda.

Adressa da contact
Per damondas ni remarcas stat la presidenta Luzia Deplazes a disposiziun.
Adressa: Luzia Deplazes, Alte Churerstrasse 48, 9496 Balzers
Tel. 078 793 31 63 ni eMail: luzia.deplazes@triesen.li

Vereinsgeschichte
Der gemischte Chor Suraua wurde im Jahr 1974 von Jugendlichen aus Suraua gegründet. Schon seit 6 Jahren sang man anlässlich diverser Veranstaltungen zusammen. Ruedi Collenberg war einer der Initianten des Chors und wurde der erste und bisher einzige Dirigent des Vereins. Das erste Konzert gab der Chor im Jahre 1978 anlässlich des 40-jährigen Jubiläums des Männerchors Lumnezia. Es folgten regelmässig Konzerte und Auftritte, oftmals zusammen mit anderen Chören und musikalischen Darbietungen. Ein Konzert ganz besonderer Art fand im Jahr 1987 in Cuschnaus statt: Zusammen mit dem Cabaret Rotstift gab der Chor Suraua ein Konzert zu Gunsten der Kindergärten im Lugnez. Ein Jahr darauf wurde der Chor nach Zürich eingeladen, um in der Sendung „Fyrabig“ zu singen, dies unter dem Motto „Schweizer helfen Schweizer“. Als ein Höhepunkt der Vereinsgeschichte ist sicherlich der Kulturpreis CRR zu nennen, den der Chor im Jahr 2002 in Empfang nehmen durfte.

Gesangsfeste
Der gemischte Chor Suraua hat an zahlreichen regionalen und kantonalen Gesangsfesten teilgenommen, stets mit grossem Erfolg. Gion Giusep Derungs, Hauskomponist des Chors, hat regelmässig Kompositionen für solche Ereignisse zur Verfügung gestellt. Im Jahr 2000 hat der gemischte Chor Suraua zum ersten Mal an einem eidgenössischen Gesangsfest teilgenommen. In St-Maurice/Monthey haben die Sängerinnen und Sänger aus Suraua drei rätoromanische Lieder vorgestellt und dafür sehr viel Lob ernten können.

Aufnahmen/Verkauf
Der erste Tonträger des gemischten Chors Suraua wurde im Jahre 1986 aufgenommen. Bereits vorher hatte der Verein Erfahrung auf diesem Gebiet sammeln können. 1980 hatten Gion Antoni Derungs und Gieri Cadruvi zahlreiche rätoromanische Chöre zusammengerufen, um die Schallplatte „Alleluia“ realisieren zu können. Der gemischte Chor Suraua durfte ebenfalls an diesem Projekt teilnehmen. Die neue CD des Chors wurde im Jahr 2000 aufgenommen. Sie trägt den Titel „tgi sa?“
Diese CD kann man bestellen bei:
Claudia Christoffel, Via Nova 50, 7017 Flims-Dorf. Tel. 079 623 40 83

Aktuelle Informationen

Gesangsproben und Auftritte
Der gemischte Chor Suraua übt jeweils am Donnerstag Abend von 19.45 bis 22.00 im Schulhaus in Uors. Zusatzproben finden am Sonntag Morgen statt. Der Chor konzertiert für gewöhnlich jedes Jahr. Auch am Familienabend tritt er auf sowie auf Anfrage.

Kontaktadresse
Für weitere Fragen oder Anmerkungen steht die Präsidentin Luzia Deplazes zur Verfügung.
Adresse: Luzia Deplazes, Alte Churerstrasse 48, 9496 Balzers
Tel. 078 793 31 63 oder eMail: luzia.deplazes@triesen.li